1. Конкурсты өткізу тәртібі:

1) Конкурс Қазақстан Республикасы Өнеркәсіп және құрылыс министрінің 2025 жылғы 29 тамыздағы №335 бұйрығымен бекітілген елді мекендердің сумен жабдықтау және су бұру жүйелерін мүліктік жалға (жалға алу) немесе сенімгерлік басқаруға беру қағидаларында (бұдан әрі – Қағидалар) белгіленген мерзімдерде қатысушылар ұсынған конкурс өтінімдерін қарау арқылы уәкілетті мемлекеттік органмен өткізіледі, сондай-ақ біліктілік талаптарына және конкурс шарттарына сәйкестігін растайтын құжаттар қоса беріледі;

2) Қатысушылар конкурс өткізу туралы хабарландыруда көрсетілген конкурсқа қатысушыға қойылатын талаптарға сәйкестігін растайтын құжаттардың электрондық (сканерленген) көшірмелерін қоса бере отырып, конкурс шарттарымен келісетінін білдіретін өтінімді тіркейді;

3) Конкурстық комиссия қатысушылардың өтінімдерін конкурс шарттарына сәйкестігі тұрғысынан қарайды. Конкурсқа жіберілген қатысушылардың өтінімдерін қарау нәтижелері бойынша конкурстық комиссия конкурс жеңімпазын айқындайды;

4) Сенімгерлік басқару конкурсын өткізу кезінде конкурс құжаттамасында қамтылған барлық талаптарға сәйкес келетін, сенімгерлік басқару объектісін пайдалануды ұйымдастыру бойынша ең тиімді шарттарды ұсынған қатысушы конкурс жеңімпазы болып танылады.

2. Конкурс нәтижелері туралы хаттама конкурстық комиссия мүшелері мен жеңімпаз тарапынан қорытынды шығарылған күні тізілімнің веб-порталында қол қойылады.

Конкурс қорытындылары конкурстық өтінімдер ашылған күннен бастап 10 жұмыс күнінен аспайтын мерзімде комиссиямен шығарылады.

3. Хаттама негізінде конкурс жеңімпазымен Қағидаларда белгіленген мерзімдерде сенімгерлік басқару шарты жасалады. Жеңімпаз белгіленген мерзімде конкурс нәтижелері туралы хаттамаға немесе шартқа қол қоймаған жағдайда, құрылтайшы конкурс нәтижелерін жою туралы актіге қол қояды.